ليـــــــه...نفسي اعرف اجابة للسؤال؟

ليـــــــه....

نفسي اعرف اجابة للسؤال؟
ليه كل ما اسيب معصية ما !!
بأرجع ليها تاني؟

ليه كل ما خلاص انوي اني ارجع لربنا
و اني اسيب الذنوب و المعاصي

بارجع ليها تاني....؟!

تعرفوا ليه؟!!

لان مفيش في قلوبنا تقوى لله تعالى!

تقوى؟! يعني ايه؟

التقوى هي الحاجز او المانع
يعني اني احجز عني الشيء
او امنعه ان يصل الي

بمعنى آخر...
ان أجعل وقاية بيني و بين كل ما يوجب غضب الله وسخطه..
و ذلك بامتثال الأوامر و اجتناب النواهي.


اسهلها اكثر...
يعني التقوى دي هي الحاجز اللي هيبعد عننا المعاصي
و تقينا من كل شيء يغضب الله تعالى


فلو الانسان نفسه بجد يتغير
و يترك المعاصي و ميرجعلهاش تاني
عليه بالتقوى

و تقوى الله تكون في السر و العلن

طيب ازاي هنحصل التقوى؟

عشان يبقى عندنا تقوى لازم حاجتين

اول شيء الاخــلاص و ده عمل باطني
ثاني شيء الاتبــاع و هو اتباع سنة الرسول
صلى الله عليه و سلم


و لكن كيف نحقق تلك التقوى؟

دي النقاط المهمة دي لتحقيق التقوى:

1. خشية الله في الخلوة و الجلوة و الشدة و الرخاء

2. ان لا ننظر الى صغر المعصية انما الى عظمة من نعصى

3. ان نستحي من الله، عندما نقرب من فعل معصية ما

4. حسن الخلق

5. استحضار وصية علي رضي الله عنه
عندما سئل عن التقوى قال:

''هي الخوف من الجليل والعمل بالتنزيل
والقناعة بالقليل والاستعداد ليوم الرحيل".


يآآآآآ الله....!!!

هل استعدينا ليوم الرحيل؟
يا ترى هل زادنا يكفينا لذاك اليوم؟

لازم يكون عندنا قصر امل في الحياة
و اننا لابد ان نموت... فلا بس من الاستعداد

و ذلك يكون بتقوية اليقين في القلب بان الرحيل قريب
و ان ليس لنا انيس في القبر الا عملنا

و تزودوا فان خير الزاد التقوى